Motivacioni i Besimit Fetar

Abstract

Pse njerëzit besojnë? Pse njerëzit besojnë në një fuqi me të fortë se vetvetja, në një fuqi mbinatyrore apo supreme, e njohin atë dhe tregohen besnikë ndaj asaj fuqie, apo pse adhurojnë atë fuqi? Pse disa njerëz përkushtohen plotësisht në fe dhe përpiqen të përmbushin të gjitha urdhëratë e All-llahut në nivelin më të lartë, ndërsa disa të tjerë, besimin në All-llahun e perceptojnë si një iluzion dhe besojnë se nuk ekziston një Krijesë (Subjekt) e tillë? Janë duke u bërë përpjekje në shumë fusha shkencore për t'iu përgjigjur këtyre pyetjeve, pra rreth motivimit të besimeve fetare, emocioneve, intelektit dhe mbi tiparin socio-kulturor të njerëzve brenda këtij kuadri. Ne do të mundohemi që këtu t'i cekim disa nga faktorët kryesor që ndikojnë në besimin e njeriut në All-llahun Fuqiplotë.